„Чăваш ачи чăвашах“ фестивале пуçараканĕсем тата йĕркелекенĕсем: Чăваш Республикин вĕренÿ институчĕ, Чăваш наци ăслăлăхпа ÿнер академийĕ, Чăваш наци конгресĕ тата А.Г. Николаев ячĕллĕ Калайкассинчи вăтам шкул.
Фестиваль ăмăртăвĕсенчен пĕри - "Вĕрентетпĕр чăвашла». Чăваш чĕлхи предметне вĕрентмен учительсем чăвашла уроксем кăтартрĕç.
Ку ăмăртура пирĕн шкултан Михайлова Татьяна Николаевна тата Скворцова Ирина Германовна хутшăнчĕç. Маттурсем!!!
Ака уйăхĕн 8-мĕшĕнче, А.Г. Николаев ячĕллĕ Калайкасси пĕтĕмĕшле пĕлу паракан вăтам шкулта Чăвашсене çутта кăлараканĕ тата педагог Иван Яковлевич Яковлев çуралнăранпа 175 çул çитнине, Раççей Федерацийĕнчи Вĕрентекенпе ăс паракан çулталăкне тата Чăваш Республикинчи Телейлĕ ачалăх çулталăкне халалланă «Чăваш ачи чăвашах» республика шайĕнчи 7-мĕш фестиваль иртрĕ.
